2020-ko Marea Urdina Egutegia

Egutegiaren azala

Bereziki gaur, Abenduak 3 Ez Gaitasunaren Nazioarteko Egunean, berri zoragarri batekin gatoz.

Aurreratu genizuen bezala 2020-rako zerbait oso berezia prestatzen ari ginen, urte osoan aniztasun funtzionala duten pertsonak (zuen herrikideak) oso gertu izateko zerbait sortu nahi genuen eta horrelaxe 2020-ko Marea Urdina Egutegia bukatu berri dugu.

Helburua, sentsibilizazioa

Egutegiaren helburua bakarra da, sentsibilizazioa. Urtean zehar aniztasuna herritarrengandik gertu izatea du helburu, pertsona hauek gertukoak bait dira, bertakoak.

egutegiko argazkiak ateratzen saioetako bat

12 hilabete, 12 pertsona anitz

Aurreko publikazio batetan komentatu genuen bezala, 2020 urteak hilabete oso bereziak izango ditu, hilabete bakoitzen bailarako aniztasun funtzionala duen pertsona bat izango da protagonista, bertan izango ditugu: Xuban, Ane, Luan, Iren, Ursula, Alex, Luken, Nora, Andoni, Jone, Gotzon eta Igor.

Hamabi pertsona, hamabi aniztasun, hamabi herrikide, hamabi lagun, hamabi eskolako gelakide, hamabi familiarteko, hamabi ezagun,… seguru batzuk gertukoak dituzuela, bertakoak bait dira.

Urtarrileko protagonista: Xuban Azpeitiarra

Hilabete bakoitzean esaldi berezi bat

Hilabete bakoitzaren goiburuan esaldi bat idatzi dugu, ez da edozein esaldi. Esaldi hau Urrian egin genuen “Ezagutu nazazu” erakustaldian jendeak idatzi zituen komentarioetako batzuk dira. Denak oso esanguratsuak, bihotzetik idatziak, denak oso oso bereziak, hilabeteko pertsonaiak bezalaxe.

Urtarrileko esaldia

Bukaeran, urteko laburpena

Eta egutegiaren bukaeran, azkenengo bi orriak, Marea Urdinak urtean zehar aurrera eraman dituen edo parte hartu duen ekintzen laburpen batekin osatu ditugu. Zuei esker, aniztasuna eta inklusioa gogoan izan dituzuelako, zuek antolatutako ekintzetan parte hartu ahal izan dugu.

Hartu itzazue bi orri hauek gure esker ona adierazteko era bat bezala.

Azken orrietako laburpen bat

Leku publikoetan ipintzeko OPARI emango dugu

Sentsibilizazioa denez helburua, gure bailarako ahal den leku publiko gehienetan nahiko genuke gure egutegia eskegi.

Hau lortzeko gure bailarako haurreskola, ikastetxe, zaharren egoitza, udal, anbulategi, saltoki, taberna, jatetxe,… guztietan DOAN emango dugu, bai bai, DOAN.

Horrela 2020 urte osoan zehar herritar guztiengandik gertu izango gara eta aniztasunaren normalizaziorantz bidean beste pauso bat emango dugu.

Partikularrak erosteko, non eta zenbatean?

Noski, norbaitek egutegia bere etxerako nahiko balu, ale batzuk salgai ipiniko ditugu.

Eskuragarri izango dituzue ondorengo saltokietan:

Azkoitian

• Hazia Belardendan

• Iroa Arropa Dendan

• Maxi Eroskin

Azpeitian

• Danetik Dendan

• Casa Jaca Dendan
• Tiendaazul Dendan

Helburua esan bezala sentsibilizazioa da eta horrexegaitik denentzako izango den egutegi bat izatea nahi dugu, beraz 2 €-tako prezio sinbolikoan ipini ditugu salgai.

Kartel hau ikusten duzuen saltokietan izango duzue salgai

Aniztasunaren Urte Berri On guztioi!

Nota de Marea Urdina

Lo que nos une es el color AZUL

     Estos días ha llegado a los buzones de los azkoitiarras el primer número de la revista de un partido político, y mientras en una página se alaba la presentación de la película Marea Urdina en Baztartxo, en la página de al lado se pide el voto para ese partido. Se trata de un artículo de opinión, y como no podía ser de otra manera ya agradecimos sus gesto al autor en el momento que lo publicó. Pero a pocos días de unas elecciones, cuando están llegando a nuestras casas la propaganda electoral y las papeletas de todos los partidos Marea Urdina quiere hacer pública su preocupación, ya que los dos mensajes se han colocado tan cerca que alguien podría pensar que Marea Urdina y ese partido político se encuentran igualmente próximos. Y eso no es así.

La única bandera política de Marea Urdina es la sonrisa de las personas con discapacidad y sus familiares; y el único sistema político que apoyamos es aquel que garantice que las personas con discapacidad tengan los mismos derechos y oportunidades que los demás. El azul es nuestro color porque ese es el color que identifica a la discapacidad que dio impulso a nuestra marea: el autismo, y también es nuestro color porque el azul es el color que mejor identifica la transparencia del agua, porque nosotros también somos transparentes. y a través de esta nota queremos declarar que no nos adscribimos a ninguna ideología política. Nosotros solo apoyamos a todos aquellos que viven diariamente con la discapacidad. La única lucha en la que participamos es la de la inclusión de las personas con discapacidad.

Marea Urdina

Gure web orrian informazio gehiago:

 Edo gure sare sozialetan:

Marea Urdinaren oharra

Urdinak batzen gaituelako

     Egun hauetan alderdi politiko baten aldizkariaren 1.go alea iritsi da azkoitiarren buzoietara, eta orri batean Baztartxo antzokian egin genuen Marea Urdina Filmaren aurkezpena goraipatzen du, eta ondoko orrian alderdi horren aldeko bozka eskatzen du. Iritzi artikulu bat da eta nola ez, egileak idatzi zuenean eskerrak eman genizkion, baina hauteskundeetarako 3 egun falta direla eta etxe guztietan alderdi ezberdinen bozkatzeko paperak iristen ari zaizkigunean, Marea Urdinatik gure kezka azaldu nahi dugu: hain hurbil aurkitzen baitira bi mezuak norbaitek pentsa dezakeela Marea Urdina eta alderdi politiko hori ere hurbilekoak direla. Eta hori ez da horrela.

    Marea Urdina sortu genuenetik ikaragarrizko esfortzua egin dugu gure ekimena “garbia” izan zedin; herritik sortutakoa herritar guztiei zabalduz besterik gabe. Gure ikurrin politiko bakarra desgaitasuna duten herritarren eta haien familien irribarrea da; eta bultzatzen dugun sistema politiko bakarra desgaitasuna duten herritarrei herritar guztiok ditugun eskubide eta aukera berdinak izatea bermatzen diena da. Urdina da gure kolorea hau delako gure marea martxan jarri zuen desgaitasunaren kolorea: autismoa, eta baitaere kolore honek islatzen duelako ondoen uraren gardentasuna; gu ere gardenak baikara. Eta ohar honen bidez aldarrikatu nahi dugu ez dugula bat egiten inongo ideologia politikorekin. Guk desgaitasunekin egunero bizi diren herritar guztiekin egiten dugu bat soilik, eta hauen gizarteratzea da gure borroka bakarra.

Marea Urdina

Gure web orrian informazio gehiago:

 Edo gure sare sozialetan:

Marea Urdina Naiz ZIURTAGIRIA aurkezten dugu

ZER DA?

Marea Urdinetik egiten dugun aitorpen edo errekonozimentu bat da.

NORI EMANGO DIOGU?

Aniztasun funtzionala duten pertsonen inklusioaren alde egiten duten orori (elkarte/talde/egoitza/denda,...) "Marea Urdina naiz" eranskailu edo pegatina bat emango diegu beraien egoitzan sarreran ipini dezaten.

Marea Urdina naiz eranskailua

​

ZER ESAN NAHI DU?

Horrela ANIZTASUNAREN LAGUN direla adieraziko dute eta behar bereziak dituzten pertsonak aurrez jakingo dute toki horretan ongi etorriak direla.

Aurrekoaz gain eta errekonozimendu bezala, Marea Urdinetik ANIZTASUNAREN LAGUN izatearen ZIURTAGIRIA-rekin sarituko ditugu.

Marea Urdina ziurtagiria

​

Bertan aniztasunaren laguna izateak dakarkien  INKLUSIBITATEAREN DEKALOGOA zerrendatzen da, ziurtagiriaren jabea nolabait berau errespetatzera konprometituz.

ZER EGIN BEHAR DA ZIURTAGIRIA LORTZEKO?

Zure elkarte/talde/enpresa...-n ondorengo galdera egin behar duzu: "Eta gu zer gaude prest egitera inklusioaren alde?". Erantzuna aurkitzen duzunean jarri zaitez gurekin kontaktuan.

Marea Urdina

Gure web orrian informazio gehiago:

 Edo gure sare sozialetan:

Jolas parke berriak bai baina guztiontzat mesedez

Azpeitiko parke berrituetako bat

‌Gero eta modernizatuagoak ditugu inguruko jolas-parkeak. Itxura aldatze lanetan gogor ari dira zenbait eta jolasa zein ikerkuntzarako umeentzat topagune ezin hobeak bilakatzen dira. Argi dago gaur egungo beharretara egokitzeko, beharrezkoak diren aldaketak barneratzeko lanean ari direla batzuk baina... zein ume mota dituzte buruan, jolas-parkeen diseinu berritzaile hauetara dedikatzen direnak? Argi dago neurotipikotzat ditugun umeak direla eredu bakarra. Eta ez al dute ba haur guztiek jolasean espazio berdinak partekatzeko eskubidea? Parke inklusiboak izan ahal izateko, ikuspegi zaharkitua mantentzen dute parke berritzaile itxura duten hauek.

Bestela jarri zuen burua gurpildun aulki batean eta saiatu parke hauetan jolasten, besteak beste.

Irisgarritasun eza

Marea Urdina Elkartea

Gure web orrian informazio gehiago:

 Edo gure sare sozialetan:

Marea Urdinak partaide berrientzat difusio kanpaina martxan jarri du

Helburua aniztasun funtzionala duten pertsonak eta beren familiartekoak elkartearen berri izatea da.

Triptikoa

Marea Urdina ekimenak bizirik jarraitzen du eta helburu zabalagoak ditu orain.

Orain arte Marea Urdina ekimen arrakastatsu baten izena zen: autismoa duten pertsonen errealitatearen inguruan gure komunitatean sentsibilizazioa pizteko helburuarekin 2018ko uztailean Gipuzkoako kostaldea igerian zeharkatu zuena.

Hemendik aurrera Urola bailaran aniztasun funtzionala duten pertsonen inklusioa bizitzako esparru guztietan bultzatu nahi duen elkarte bat bihurtu da Marea Urdina ELKARTEA.

Horretarako udaletxeko zerbitzu sozialetan, anbulategiko pediatrei, ikastetxeetako orientatzaileei,… elkartearen berri ematen duten TRIPTIKOAK eman dizkiegu. Aniztasun funtzionala duten pertsona edo beren senitartekoekin duten harremanean gure berri emateko.

Aniztasun funtzionala duten pertsonak gure bailaran

Hauek dira orain arte hartu ditugun ekintza-ildoak:

• Udaletxeekin eta beste talde-eragileekin elkarlanean hastea udal-instalazioen irisgarritasun fisikoa hobetzeko.
• Udaletxeekin elkarlanean hastea zerbitzu publiko zein pribatuen irisgarritasun kognitiboa hobetzeko.
• Beste elkarte batzuekin batera kirol, kultura eta aisialdiko ekintzetan aniztasun funtzionala duten pertsonen parte hartzea bultzatzea.
• Aniztasun funtzional mota guztiak ikusgai egitea.
• Pertsona kutun batek funtzionaltasun desberdina duela jakitea, onartzea eta egoera nola kudeatu daitekeen partekatzea.

Ziur gaude gure elkartera kide berriak hurbiltzeak oraindik antzeman ez ditugun talde honek dituen behar berriak ikusarazi eta denontzako onuragarriak izango diren ekintza-ildoak irekiko dizkigula.

Edonork izan dezakegu funtzionaltasun anitza istripu baten edo gaixotasun baten ondorioz, eta egoera berri horretatik eratortzen diren behar berriei erantzutea ez da erraza. Horretan lagundu nahi dugu eta horregatik Urola bailarako aniztasun funtzionala duten pertsona guztiak eta haien familiak Marea Urdina ELKARTEA ezagutzea nahi dugu.

Gure helburu bakarra gure ingurua guztiontzako atseginagoa eta inklusiboagoa izatea da; hau lortzeko balio dezaken edozein motatako ekarpenak jasotzeko irrikatan gaude (ametsak, ideiak, proiektuak, …); horregatik gure ateak helburu hau bere egin nahi duen edonorentzat irekita daude, eta gure komunitatea atseginagoa eta xamurragoa egin dezaken edonork ekarri dezakeen ekimenak gure egiteko prest gaude ere.

Agur bero bat.

Marea Urdina Elkartea

Gure web orrian informazio gehiago:

 Edo gure sare sozialetan:

Kotxe Klasikoen Topaketa INKLUSIBOA

Marea Urdina Elkartea sortu zenean "eta zuk, zer egin dezakezu inklusioaren alde?" galdera bota genuen gizartera. Gutxiena espero genuen esparruetatik batzuek erantzuna eman digute: aurtengo Azkoitiko Kotxe Klasikoen Topaketa era INKLUSIBOAN antolatu dute.

11:00-tik 12:30-era egiten den errekorridoan parte hartzera gonbidatuak izan gara Marea Urdineko partaideak eta atzo arratsaldean egin genuen beroketa.

Mila mila esker Antonio, zu ere Marea Urdina zara!

Marea Urdina

Gure web orrian informazio gehiago:

 Edo gure sare sozialetan:

Marea Urdina balantzea: Kontuak Garbi

BALANTZE EKONOMIKOA

Gardentasunez jokatu dugu iraganean eta horrela jarraitzea da gure helburua. 2018-ko Marea Urdina ekarpen ekonomiko pribatuei esker izan zen posible eta ekarpen horiek non eta nola erabili diren bailarari azaltzea zilegi eta beharrezkoa dela iruditzen zaigu.

DIRUAREN JABETZA

Diru soberakin honen jabetza Marea Urdina Elkartearena izatera pasatu da, horretarako elkartearen izenean ireki den kontu korronte batera trasnferitu direlarik fondo guztiak.

NON GASTATUKO DUGU DIRUA?

Gure bailarako aniztasun funtzionala duten pertsonen inklusioaren alde egingo den edozein jardueratan inbertituko dugu diru hau, herritik jaso genuena herriarentzat izango da, Marea Urdineko Elkarteko talde eragileak izango du horretarako ahalmena.

ESKERTZA

"Zertan lagundu dezaket?" galdera eginez gerturatzen zaigun orori "Zer dakizu egiten?" galderarekin erantzuten diogu beti.

​

Horrela Azkoitiko CaixaBank-ek  egiten dakienean lagunduko digu Marea Urdinari eta komisiorik gabeko zerbitzua emango digu. Hala nola:

• Mantentze komisioak
• Transferentzi komisioak
• Kreditu txartela izateagatik komisioak

​

Marea Urdinetik eskerrikasko, zuek ere URDINAK zarete.

Azkoitian egingo den igerileku berriari buruz Marea Urdinaren ekarpena

Azkoitiko udaletxeak Azkoitiko igerilekuak herritarren beharrei erantzuten dien baliabide bihurtu dadin eraldatze prozesu nagusi bat aurrera eramateko asmoa erakutsi duen honetan guk, MAREA URDINAK, gure aldetik gure ekarpena egin nahi dugu aniztasun funtzionala duten herritarren beharrak gizarteratzeko asmoa duen elkarte bat garelako.

Ezinbestekoa irisgarritasuna bermatzea. 2019an irisgarritasun unibertsala ez duen gune bat bera ere egotea onartezina izango litzateke. Horretarako eskatzen dugu “irisgarritasun katea” ondo aztertzea proiektuan martxan jarri aurretik eta honek esan nahi du edozein pertsonak izan beharko lukela aukera sortzen diren edozein espaziora hurbildu, sartu eta ateratzeko bere kabuz, erraz eta etenik gabe, nahiz eta bere muga motoreak, kognitiboak edo manipulatzeko izan.

Irrisgarritasun ezaren adibidea

Horretan asko lagundu dezake diseinu unibertsalaren oinarriak kontuan izatea: diseinatzen den edozein produktu, espazio, etab. inor bere erabilera eta gozamenetik kanpo ez uzten saiatzen den diseinua izan behar du, haren egoera funtzionala edozein izanik ere.

Irrisgarritasunaren adibidea

Ildo honetatik, momentu honetan badira toki askotan eraikin publikoak aszensorerik edo eskalerarik ez dituztenak, arrapalak soilik dituzte guztientzako, eta handik sartzen eta ateratzen dira erabiltzaile guztiak, edozein dela beraien egoera funtzionala. Gure ustez horrelako konponbideak topatzen jardun beharko genuke eta ez aniztasun funtzionala duterenentzako soluzio espezifikoak topatzen. Azken finean arazoak dituzten pertsonentzako baliabideak guztiok erabili ditzakegu, arazorik ez ditugunak erabili ahal ditugunak aldiz ez, eta gogoratu: guztion egoera funtzionala aldatu egiten dela bizitzan zehar eta ez dakigu noiz beharko ditugun geuk ere.

Irrisgarritasun Unibertsalaren adibidea

Erabiltzaile orontzako balio duen diseinua ezin bada gauzatu erabiltzaileen aniztasun funtzionalari erantzuteko egokitzapenak egin behar dira: ezkerrak direnentzako kutxatilak eta ilea-lehortzekoak, gutxi ikusten dutenentzako kartel, erloju, etab. handiak, entzumen arazoak dituztenentzako laguntzak, irakurtzen ez dakitenentzako sinbolo edo piktogramak, …

Piktogramen erabilera adibide bat

Baina hori ez zaigu nahikoa iruditzen.

Ezinbestekoa iruditzen zaigu gaur egun mugitzeko arazoak dituzten erabiltzaileek jasaten duten bakardadea eta isolamendua saieztea. Horiek baitira mugitzeko arazoak dituen edozein erabiltzailek Azkoitiko igerilekuan beti ondoan dituen bi nahi ta ezko bidelagun irisgarritasuna bermatu den moduagatik. Igerileku handia irisgarria egiten duen ibilbide korapilatsu bat egin behar du beti eta ia inor ez du topatuko ibilbide horretan.

Instalazio publikoetan erabiltzaileak beraien burua hain isolatuta topatzea ez da batere egokia.

Eta horrek gogoeta sakon bat egitera baltsatu behar gaitu guztiok: nahi ta ezko isolamenduan ibili behar izateak non uzten du igerilekura joateko gozamena? Mugitzeko arazoak dituztenentzako igerilekua erabiltzea jarduera bakarti bihurtzen duten egoerak saihestea ez al luke lehentasun izan behar proiektua gauzatzerakoan?

Gurpildun aulkian daudenak, makuluak edo beste gailuak behar dituztenak oinez ibiltzeko dagoeneko bizi dute besteengandik urruntzen dituzten egoerak, instalazio publiko baten egoera hori areagotzen duten elementuak izatea guztiz onartezina da.

Mugitzeko arazoak dituzten pertsonak askotan laguntzaile bat eraman behar dute igerilekuak erabili ahal izateko, eta laguntzaile hauek ere bizi dute bakardade eta isolamendu hau.

Igerilekuak instalazio garrantzitsuak eta aberatsak dira edozein herrirentzako. Herritarren osasun fisiko eta psikologikoari egiten diete mesede eta pertsonen gizarteratzean ere laguntzen dute. Ondorioz erabiltzaile posible guztiak eroso sentitzea proiektuaren sustraian egon beharko luke.

Marea Urdinetik, Azkoitiko aniztasun funtzionala duten pertsonez osaturiko elkartetik, ekarpen hau egin nahiko genuke etorkizunean egingo den igerileku berriaren diseinuan kontutan hartu dezazuen.

Marea Urdina

Gure web orrian informazio gehiago:

 Edo gure sare sozialetan: